22 Oct 2024

कार्तिक ६, काठमाडौं । भिजन क्लब्स् इन्टरनेशनलको पहिलो क्षेत्रीय सम्मेलन टर्कीको स्तानबुलमा सम्पन्न भएको छ । सम्मेलन भिजन क्ल्ब्स् इन्टरनेशनलका प्रेसिडेण्ट मंगल दास श्रेष्ठको प्रमुख आतिथ्यता तथा भिजन क्लब अफ काठमाडौंका अध्यक्ष राज कृष्ण श्रेष्ठको सभापतित्वमा भएको थियो ।

सोमवार भएको सम्मेलनले विश्वभरका नेपालीलाई समेट्दै नेपाल र नेपालीहरूको लागी विभिन्न किसिमले सहयोगहरू गर्ने, नयाँ सामाजिक, मानवीय सहयोगका कार्य गर्ने, सदस्यता र क्लबहरू विस्तार गर्ने लगायतका निर्णय गरेको छ ।

यस्तै सम्मेलनले आगामी दोश्रो क्षेत्रीय सम्मेलन २०२५ को अक्टोबरमा स्वट्जरल्याण्डमा आयोजना गर्ने र पहिलो इन्टरनेशनल कन्भेन्सन २०२६ को जून महीनामा गर्ने निर्णय समेत गरेको छ ।